Ұлттық ғылым академиясының академигі Еренғайып Мәлікұлының туғанына 90 жыл толды. Мерейтойға орай оның Алматыда тұрған үйіне ескерткіш тақта орнатылды.
Химия ғылымдарының докторы – еліміздің ғана емес, әлемдік білім кеңістігіндегі өзекті мәселелерде белсенділік танытқан қайраткер. Өмірінің соңғы жылдарында Алматы қалалық Ардагерлер кеңесінің төрағасы болып қызмет етті. Бүгінгі салтанатты іс-шараға онымен бірге қызмет еткен әріптестері, шәкірттері келді. Еренғайып Шайфутдиновтың ерен еңбегі мен ғылым жолындағы бірқатар жетістігі сөз болды.

Дерек көзі: https://almaty.tv/kz/news/obrazovanie-i-nauka/1618-biyl-erengayyp-malikulynyn-tuganyna-biyl-90-dgyl-toldy