Көшпенділер әлеміне саяхат
2022 жылғы 23 сәуірде «Рухани жаңғыру - болашаққа бағдар» мемлекеттік бағдарламасының «Туған жер» және «Қазақстанның қасиетті географиясы» этножобалар бағыттары аясында Абай атындағы ҚазҰПУ-дың білім алушыларына арнайы Алматы облысында орналасқан «Көшпенділер шахары» тарихи-мәдени кешеніне баруға танымдық-ағартушылық шарасы ұйымдастырылды.
Студенттік саяхаттың мақсаты - жатақханада тұратын шалғайдан келген белсенді студенттердің уақытын тиімді қолдану, отаншылдық рухта мемлекетшілдік сезімді нығайту үшін тарихи-рухани орталарға апару болды. Ашық аспан астында Қазақстанның рухани құндылықтарын біліп құрметтеуге, жастардың жауапкершіліктерін күшейту қоғамдық-танымдық дәрістер өткізілді. Әлеуметтік желіде студенттік саяхаттың ерекше өтуі туралы арнайы фото және бейнебаян түсіру байқауы жарияланып, үздік бес естелік жұмысқа арнайы бағалы сыйлықтар табысталды.
Танымдық дәрістерді өткізу аясында, ата-бабаларымыздың арғы тарихы Сақ-үйсін кезеңінен бастап, Түркі қағанаты, Алтын орда, Моғолстан, Жетісу аймағының бай тарихи-рухани құндылықтарын дәріптейтін өлкетану, археология, этнография, қазақ тарихы, тарихи-география және т.с.с кешенді ғылыми деректерімен сусындаған мазмұнды ақпараттар саяхатқа қатысушы жас білім алушыларды қызықтырмай қоймады.
Университет басшылығының қолдауына ие болған жоба өзінің студенттік ортада қажеттілігін көрсетті.
![](/upload/iblock/196/syumveg2w7h4pc6t3x1a49srzndfys84.jpg)
![](/upload/iblock/ad3/r9jx99lg6n2yfo0lj8ens0vyl4nmvtv0.jpg)
![](/upload/iblock/3ef/miq81nj0wpl15t54cc9izv5gd2sponm2.jpg)
![](/upload/iblock/0ab/9q2ucgoa8u8l9csn1j82jhouxcyh7bop.jpg)
![](/upload/iblock/385/k71z5l95gpbxitmw3hecf9625ueuoku2.jpg)
Дерек көзі: https://www.kaznpu.kz/kz/22632/news/