Kazakhstan Fashion Week ұлттық сән апталығының 32-маусымы аяқталды. Онда отандық және шетелдік 17 дизайнер өз топтамаларын ұсынды.

подиум айналасына тігілген ақшаңқан киіз үйлер мен декоративті ағаш-бұталар іс-шараның көркін келтірді. Kazakhstan Fashion Week жобасының негізін салушы әрі арт-директоры Алексей Чжей түп-тамырымызға тереңінен үңі­ле­тінімізді, сондықтан топтама­ларда, безендіруде, сондай-ақ стилизацияда этникалық эле­мент­­тер басым болатынын мә­лім­деді. Сән көрсетіліміне келген қонақтардың өзі бірі тақиясын, бірі шапанын киіп, енді бірі ұлттық әшекейін тағып келген.

Ұлттық сән апталығының 32-маусымында халықаралық бай­қаулардың лауреаты, моде­льер Адиля Ботабаева Қазақ­стандағы алғашқы трансфор­мерлер бренді YANG LAIN-нің «Ozgeshe» топтамасымен жұрт­шы­лықты таңғалдырды. Көшпен­ділер бейнесінен шабыт алған ди­зайнер қазақ мәдениетінің заманауи интерпретациядағы кейпі болып саналатын 12 транс­формер бейнесін жасаған.

Дерек көзі: https://almaty-akshamy.kz/sensatsiyaga-toli-saen-aptaligi