«Әбілхан Қастеевтің 120 жылдығы» халықаралық байқауы аясында, халық суретшісінің атын иеленген Мемлекеттік музейде балалар шығармашылығы көрмесі ұйымдастырылды. Онда мүсін, анимация және сәндік-қолданбалы өнер туындылары қойылды. Қатысушылар балаң картиналарын халық суретшісінің өнерін зерделеп, шығармаларынан шабыт алып, әр түрлі техника қолдану арқылы бейнелеген.

Байқау бастамашысы – Әбілхан Қастеев атындағы бейнелеу өнері және дизайн мектебінің ұжымы. Аталған мектеп сонау 1981 жылы құрылған. Қазіргі уақытта мектепте «Бейнелеу өнері» және «Техника және дизайн» деген екі бөлім жұмыс істейді. 30 жылдан астам уақыт ішінде өнер мектебі 100-ден астам конкурстық жобаларға белсенді қатысқан. Бұл ізді қазір де жалғап келеді.

Источник: https://almaty-akshamy.kz/oner-de-balalardi-zhaksilikka-yndeydi