Сеулде Қазақстан мен Корея Республикасы арасындағы дипломатиялық қатынастардың орнағанына 30 жыл толуына орай «Ұлы даланың інжу-маржаны» атты халықаралық көрме ашылды.
Көрме Жетісу өңірінің тарихын, қазақ халқының музыкалық мәдениетін және Алматы қаласының ерекшеліктерін бейнелейтін бірнеше негізгі тақырыптық бөлімдерден тұрады.
Көрмеге келушілерге Алматы музейінің қорынан арнайы әкелінген 130-дан астам экспонат қойылды.
Іс-шара аясында Сеул қаласының тарихи музейі мен Алматы мұражайы арасында «Алматы қаласы музейлерінің бірлестігі» КМҚК ынтымақтастық туралы Меморандумға қол қойылып, 2023 жылы жауап көрмені өткізу туралы уағдаластыққа қолжеткізілді.

Источник: https://almaty.tv/kz/news/kultura/1516-seulde-uly-dalanyn-indgu-mardgany-atty-khalykaralyk-korme-ashyldy